محــمد و نـِـِـوف قــصه ولا كـِـِـل القـصص...

قصة رائعة .. قرأتها واعجبتني

محتواها .. والمغزى منها

قصة من 22 جزء في غاية الروعة

والآن سأترككم مع أحداثها

:::::::::::::::: :::::::::::::::

(((الحــــــــــلقة الأولــــــــــــــي ))))

بدأت قصة حبي مع فتاة لا أعرفها ولا تعرفني ... جائني أتصال في تمام الساعة الثامنة والنصف تماماً وكنت في أحد أستراحات الرياض على طريق الشرقية وأصوات الشباب تضج بالمكان .. فلم أرد على الرقم الغريب الذي جائني ... لأني كنت متوقع انه واحد مايعرفني ومن طبعي اني ما ارد على الجوال وعلى الأرقام الغريبة اللي ما اعرفها المهم دق الجوال مرة ثانية قلت أووووووووووف وش يبي ذا ودخلت المطبخ انا وصديقي صالح قالت نعم ... صوت هواء مافيه احد يتكلم ...قلت الووووو فرد وقال : الووووووووووو قلت أنا نعم وانا معصب قالت : جوال وليد قلت لا مو جواله ولاعاد تدقي على الرقم هذا شوي الا ودق مرة ثانية ...

قلت نعم خيييييييييييييييير أن شاء الله ... قلتلك مو جواله ...

قالت لحظة لاتسكر ... قلت خير .. قالت أذا وليد عندك خله يكلم سارة ... قلت أنا لايكون قايليك أن صاحب الجوال فرقة أنقاذ ولا مصلح أجتماعي ,,,, وانا مدري ..

قامت تضحك وسكرت ... شوي الا ورسالة توطوط على جوالي .. فتحت الرسالة الا هي كاتبة : الله يخليك اذا قابلت وليد خله يدق على سارة ضروري الله يعافيك تكفي ...

وارسلها رسالة : قلت فيها أنني احذرك يابنت الناس للمرة الأخيرة ,,,

وبعدها كتبت لي رسالة وقالت أنا آسفة الظاهر أني غلطانة .. تركتها بعد نصف ساعة دقت على رحمتها .. ورديت قلت هـــــــــــــــــــــــــــــلا يوم بغت تطير من الفرحة .... قالت وليد .. قلت الله يلعن ذا الوليد اللي أشغلتيني به خليني العب ورقة زي الناس ،،، قالت معليش الظاهر اني غلطانه ... قلت أنا اية غلطانة ولا عاد تدقين على ذا الرقم لا أكسرة الجوال فوق راسك ... قالت : ههههههههههههههههههه

حلوة منك .. قلت يابنت يابنت أنتي فاضية الظاهر قالت لا مشغولة معك .. .. قلت أنا دمك خفيف هي هي هي (سخرية) قالت مرة زيك ...

سكرت في وجهها وقفلت الجوال وشغلت بعد ساعة ... وحصلت رسالة تقول فيها ...

حبيبي أنا آسفة أني أزعجتك وزعلتك ...
لكن ماكان قصدي ... ومالقيت الا ها الطريقة اللي
أقدر أسمع صوتك فيها ,,, N

بعدها وسوست جلست أتذكر من وين ذا البنت داقة ... ومن هي وكيف عرفت رقمي ... ووش تبي مني .. ؟؟

أسئلة كثيرة كانت تجول في خاطري ...

جلست أفكر أفكر ,,, أتذكر المشكلة اني حالي حال نفسي ... ماعمري رقمت ... ولا عمري تعرضت لأحد أبد بس اللي ذابحني وباط كبدي .. أني أسمع سيرتي وسط المجالس ولا ني عارف وش السبب ولا وش الهدف ,,

وكذا مرة قلت لهلي لا تتكلمون فيني قدام أحد ,,, ماكان فيه في ذا البلد الا ذا الولد ..

ودقيت على جوالها .. الساعة 2.00 آخر الليل ... (واحد قديم مايكلم الا آخر الليل ههههههه)
وحصلت جوالها مقفل ..

وراحت الايام وجت الأيام وهي تراسلني ولكنها ماتكلمني ... وفيه من كلامها لهجه خليجية شوي مو مرة ,, اللين مر شهر تقريباً بعد أنقطاع واتصلت علي وش أخبارك ,,, آخذت واعطيت معها الى حد ما

بعدها تعلقت البنت فيني ... طلعت البنت محرومة من شئ كبيييير وهي في عمر الزهور ,,,

طلعت البنت محرومة من حنان الأب والأم .. الأب متوفي والأم متزوجة خارج المملكة والبنت مع عمها ولي أمرها والمسئول عنها بعد وفاة والدها ,,, ومن هنا

بدأت الحكاية ،،،

يـِـِـتبع غداً للعلم بأن كل يووم سـِـِـوف تظاف حلقه
و أتمنا تعجبكم القصه

مشكووووووووووورة حبيبتي على القصة
وانا متحمسة اقرا الباااقي
لا تحرمينا من جديدك

ســوريييي
واللــــــــــه سووووري الحين يايبه لكم ألأجزآآء الـِـِـِـثآآنيه
بس كـِـِـِـآآن عندي عـِـِـِطل و أخرنـِـِـِـي عليكـَـَـَـم

الحلقــــــــــــــــــه الثانيه

بديت أحن على البنت وصارت تشكيلي من همومها المسكينة البنت طلعت تعاني من كبت نفسي وانا مدري ... المهم يوم وراء يوم وينقطع بها الاتصال لمدة شهر وبعد شهر حصل وكلمتني قالت أنها كانت عند أمها في الكويت ورجعت اليوم وبعد فترة من الزمن جاء الشهر الفضيل ... شهر رمضان المبارك . قلت لها أنا ماراح أكلمك الا بعد رمضان هذا شهر عبادة نسأل الله أن يتقبلنا عنده ويعتق وجهونا من النار .. صارت تبكي وسكرت ،،،حزنت شوي وبعدين نسيت ,,, بعد رمضان أرسلت لها رسالة كل عام وانت بخير المهم شوي الا وتكلم ماهي مصدقة وتشاهق ماني مصدقة ... واسولف معها شوي وأضحك وانتهت المكالمة عادي
ويوم وراء يوم أهتمامي فيها يزيد وكل يوم تكلمني تشكي من عمها فهد ومن بنات عمها وانها وحيدة بين ها البنات ومالها الا جدتها وزوجت عمها سعود اللي هي ساكنه معه في الدور الأرضي والدور العلوي السلق على حد تعبيرها وعمها الشرير اللي يضربها .. وكل ما سوت غلط ضربها على وجهها والبنت تجلس تضحك تقول عادي تعودت على عمي وأسلوبه معي .. المهم أتضح لي أن البنت عايشه في جحيم ... وكل مرة تكلمني تبكي عمي ضربني .. بنات عمي سوو فيني مقلب بنات عمي مايحبوني ...
قلت لها ليش كذا ؟؟ هم بنات عمك قالت تربية أمهم ،،، لأن أمهم تكرة أمي وبكذا يبون يضيعوني ... ؟؟
وطلعلها ورث بعد وفاة أبوها مقدارة (2.000.000)ريال كان أبوها يعمل في شركة أرمكو( الله يرحمه ) وخذ الفلوس كلها عمها تدرون ليش ... لأن نوف هي الوريثة الوحيدة لأبوها ؟؟؟
ومالها الا أخو واحد توفي في حادث سيارة قبل سنة وثلاث شهور ..
وفجأة مع سوالفها قالت : لحظة لحظة
نعم نعم ...
طوط ..طوط ..طوط

(( الحلقـــــــــــــــــــــــــــه الثالثة ))

أنقطع الأتصال بيني وبينها .. لمدة شهر تقريباً لا أعرف عنها شئ حاولت الأتصال بها بشتي الطرق ولكن للأسف لم تجدي محاولاتي ...
تعلقت بها أكثر وأكثر كانت فترة أنقطاعها عني مثل جبل أحد وبعدها أحزنني كثيراً أتصلت علي بعد أنقطاع دام شهر ... أتصلت على في يوم جمعة
وكان الخبر الصااااااااااعقة
نوف : الووووووووووو
محمد: هلا والله
نوف : هلا حمووودي
محمد: هلا نوف وش أخبارك عساك طيبه وش فيك
قالت مافيني شئ ... بس كانت عندي أختبارات وتخبر جوالي طاح في الموية (كانت تخفي مابداخلها لكي لا أقلق عليها) ... أكيد يانوف مافيك شي قالت : أكيد ياقلبي والله مافيني شئ المهم أنت وش أخبارك قلت : والله الحمد الله انا بخير لكن ماعلمتني ليش سكرتي مني ذاك اليوم . قالت والله أبد دخلت علي زوجت عمي وجلست عندي ونسيت أرجع أدق عليك وأنشغلت بعدها في دراستي ...
أية هين ؟؟؟
المهم ماحبيت أني آخذ واعطي معها كثير ... تركتها في نفس اليوم ..
جاء الآن موعد تأنيب الضمير ... جلست مع نفسي جلسة خاصة ودار بيني وبين نفسي هذا الحوار :
محمد : ياالله وين الله رمي علي ذا البنت .
نفسي : والله يابن الحلال حظك العاثر يامحمد.
محمد: طيب ليه أنا بالذات وليش .
نفسي : يامحمد أنت طيب زيادة عن اللزوم لا تاخذك عواطفك ومشاعرك وراء البنت .
محمد: بس البنت طيبه يانفسي .
نفسي : أقول والله أنه الطيب يامحمد لا تمشي ممشاك مع بنت خالك شف نفسك ووين وصل بك الحال بعد رفعهتهم وعزيتهم باعاوك بحفنت تراب وهم خوالك .
محمد : أيييييه الأجر على الله يانفسي ... أنا مالي حظ بها الدنيا .
نفسي : طيب وش بتسوي اللحين .
محمد : يانفسي مابيدي حل غير أني أستمر وياها اللي كلٍ منا يروح في طريق .
نفسي : يامحمد أنت بتضيع نفسك كذا أترك البنت تروح في حال سبيلها .
محمد: أحاول .
نفسي : لا لازم يامحمد وبأسرع وقت .
محمد : بس البنت طيوبة وحنونة حراااام أجرح مشاعر البنت .
نفسي : يامحمد أنت منت ربها ... الله اللي خلقها والله اللي بيتولاها برحمته .
محمد : برضوا بحاول يانفسي .
نفسي : بكيفك أنا نصحتك وانت بكيفك .
محمد : أقول أقلبي وجهك خليني أنوم بس بكرة وراي دوام .
انتهى الحوار ,,,, مع نفسي

(((( الحلقـــــــة الرابعــــــــــة ))))

وبعد ماصحيت من نومي وسباتي العميق ... ولاأصحي الا أسمع صوت الجوال يوطوط برسالة ,,, وأفتحها الا هي نوف تقول صباحك سكر ياقلبي ...؟؟؟؟
من متي صارت تتغزل بالكلام ... حسيت أن البنت بتضيع وحسيت أني أبضيع معها والمشكلة أن مافيه شئ يربطني فيها بالذات أنا بس هي ممكن أنها متعشمة زواج اوشئ ... بعدها قررت أني أترك البنت هذي لوجه الله تعالي أو هي تتركني أروح في حال سبيلي ... وهي كل يوم والثاني تتعلق فيني ... أكثر وأكثر واكثر
قلت ياربي غفرانك انك تعلم ولا اعلم اللهم أبعدني عنها وابعدها عني يارب ... بعد ماصحيت وحسيت نفسي أني صحصحت قلت في نفسي أنا لا زم أكلمها وانهي علاقتي معاها بعد ماكلمتها ... وردت بصوت الجريح بالصوت المبحوح .. هلا يامحمد صباح الخير ياقلبي ,,, قلت انا صباح النور ,,, قالت أفطرت قلت لا قالت أنت ليش كذا ما تهتم في نفسك يالله رح أفطر وبعدين كلمني ,,, قلت أنا ما أشتهي الفطور .. قلت لا لازم مو على كيفك ,,, قلت والله ما أشتهي ,,, قالت انا أقولك تفطر يعني تفطر.... قلت خلاص بس مو الحين قالت لا اللحين ... قلت خلاص انا أروح أفطر اللحين .. وسكرت منها ورحت أفطرت ويوم وصلت المكتب دقت على واللي يميزها عن غيرها من البنات أن البنت صادقة مع نفسها قبل تكون صادقة مع غيرها ... ودائماً تشحن جوالها وتكلمني ,, وهم أنا بعد ما أقصر معها وبعد ما أفطرت وعينت خير كلمتني .. واعطيها بزي وتكلم مرة ثانية واقولها قاعد افطر يانوفي .. جلست تضحك وسكرت ... أيةالحين وشلون أخبرها عن الموضوع كلمتني وحسيت البنت انها مستانسة ومابغيت انكد عليها خليتها لين الليل ويوم جاء في الليل وأكلمها ...
هلا نوف
هلا محمد
بصراحة انا عندي موضوع ودي أطرحة عليك .....
قالت خير يامحمد..... ياحلوك أنت ومواضيعك اللي تجنن .....
قلت أنا والعبرة غاصتني .... (فعلاً كانت غاصتني العبرة) .....
قلت يانوف أنتي لا زم تنهين علاقتي معاك .... بصراحة انا ضميري يأنبني يانوف أنتي بنت ناس ,,, وانا بصراحة ما أرضي عليك أي شئ حتي لو مني أنا ويانوف علاقتي معاك بدون هدف لامني ولا منك وانا عارف نفسي زين يانوف مستحيل أضرك في يوم من الأيام ويانوف انا متعاطف معاك فقط ومع ظروفك بحكم انك يتيمة وامك بعيدة عنك ويانوف اللي قاعدين نسوية هذا خطا ويانوف أنا بصارحة مستحيل اني أستمر وياك وكذا مرة قلتك اني متعاطف معاك وقلتلك كذا مرة أي شئ تبينة مني أنا حاضر ... تبين بطاقة سوا تبين فلوس تبين أي شئ تتمنينه أجيبه لك يانوف ... يانوف أنا عاطفتي تجاهك قوية وانا بصراحة أحس أني أبدخل معاك في دوامة مالها نهاية ويانوف أنا ماحبيتك كثر مانتي تحبييني ولاني لاعاب أبلعب معك او العب عليك او أكذب عليك أو أمس شرفك بشئ .. يانوف تري الشيطان قوي وانا أخاف من المستقبل أن يقع بيننا شئ .. لا سمح الله ,,, ويانوف أنا سبق أني قلتك زواج لا تفكرين أني أتزوجك في يوم من الأيام ,, انا ماني لك ,, وكانت تبكي وتبكي وتبكي خلال مكالمتي لها ... وقاطعتني وهي تبكي ,,, وقالت : خلاص يامحمدخلاص .... انا مستعدة أني أضحي بعمري علشانك يامحمد بس لا تتركني انا مستعدة أسوي اللي تبية ... يامحمد بس لا تخليني يامحمد

محمد أنا ماحسيت بطعم السعادة ولا طعم الحياة الا معاك يامحمد,,, أنت الأنسان الوحيد اللي دش قلبي .... يامحمدأنت تعرف نوف زين ماسارت ها الطريق اللي معاك بعدها حسيت برطوبة على صدري ... صارت دموعي تنهمر بغزاره وانا ماني حاس .. وقالت يامحمد آخر كلامي لك قبل نهاية هذه المكالمة ,,,
أقولها لك وبصراحة يامحمد ,,, أنا..أنا..أنا..انا مالي في الدنيا غيرك يامحمد ...
طوط ..طوط..طوط

باجر انشـــآآلله الخامســِـِـِـه
بــس ابــي اجـِـِـِـوف ردوود

يتــــــــــــــــــــــــتبع

عااد اناا اتحمســ Basketball

ســــ

ســـ

ـــــت

اكثر من قبل بوايد

بليز كملي القصه

وايد حلوه

ابسرررررعه ابي اشوووف النهايه يارب اتكون سعيده

(((( الحلقـــــــة الخامســــــــــة ))))

انا بعدما قفلت والعبرة غاصتني وهليت عبرتي .. قفلت جوالي على بالي بنام لكني مانمت طول الليل اتقلب على جمر الفراق .. حبيتها !! كيف وليش ؟؟ مادري !!
البنت دخلت قلبي وكنت حزين على فراقها لكني في نفس الوقت مرتاح لأني متأكد ان اللي سويته هو الصح ، جا وقت الدوام وانا صاحي ما قدرت انام تجهزت للعمل وشغلت جوالي .. الا وذيك الرسالة توطوط على جوالي ، ادري انها هي ومتأكد بعد ، كنت متردد افتح الرسالة واقراها والا احذفها على طول ، لو حذفتها ما راح ارتاح وابي اعرف وش كتبت لي .. وفي نفس الوقت مابي اقراها لأني اعرف نفسي طيب ، اخاف اقراها واتراجع عن كلامي كله ـ ولو لفترة بسيطة ـ عشت اللحظه في تناقض ما عشته قبل كذا .. قلت خليني اوصل الدوام وبعدها اقراها وانا طول الوقت ماسك الجوال في يدي..اقراها ؟؟ احذفها ؟؟
اتذكر أول مكالمة .. وأعيش آخر مكالمة ..
اتذكر يوم قلت لها ماقدر اعطيك حب .. وأعيش الحب ..
فعلاً أنا ما عطيتها هي خذت غصب عني وبدون اذني ..
وصلت الدوام وحالتي حالة .. قلت الحين لازم اقرر في الرسالة يا أقراها يا أحذفها .. وفعلاً قررت ، قررت اني ما اقرر !!
لأنه مهوب بيدي ، ذهني متشتت .. ماقدر افكر .. سبحان الله العالم تتشتت اذهانهم في عدة مواضيع وانا متششت في موضوع واحد !!
آخر شي قلت باحط الجوال في الدرج لين اقرر ، جا وقت صلاة الظهر وانا توني ما قررت ، رحت صليت ورجعت ، فتحت الدرج بعد الصلاة باخذ اوراق طاحت عيني على الجوال رغم انه كان تحت الورق المهم خذيت الجوال وتركت الورق اللي فتحت الدرج عشانه ..قررت ..قررت اني افتحها ، وليتني ما فتحتها .. تمنيت ان ماعندي جوال .. ياربي أني عبدك الطف بي يارب ...
وش في الرسالة ؟؟
*******

(((( الحلقة الســـــــــــادسة ))))

فتحت الرسالة وياليتني لم أفتحها ... وقد كتبت بها يامحمد أنا آسفه أني عكرت مزاجك البارحة ,,, لكن بغلات أمي وجدتي يامحمد أني أحبك وبرحمة أخوي خالد أحبك ... أنا مجنونتك ياحمودي.... في أمك الغالية يامحمد لاتخليني ... N
كانت ردت فعلي كالآتي ....

رحت البيت الساعة الواحدة ظهراً ... تغديت ولا تغديت .... رحت نمت ولانمت ...
شغلت سيارتي ... أتصلت بأحد الزملاء الفاضيين ... قلت وينك قال أنا في المكان الفلاني ... قلت تعال أبيك ... طلع معاي ... حركت السيارة وانا متجة ... لديرة نوف من غير شعور ... ياجماعة والله أني أحس بالذنب تجاه البنت .. ووديرة البنت تبعد عن الرياض 330 كيلو متر ... وطريق لا توجد به أقل وسائل الامان .. ووالله العظيم ... أني وانا في طريقي لها ... أعترض لي جمل في الطريق ... ولم أحس بنفسي الا وانا أقترب منه ... لولا لطف الله ثم صرخت صديقي محمد بأن قال أنتبة يامحمد البعير ... فحوووووووووووووووط اللين وقفت بجانب الجمل وانا في حالة هيستيريا ماني مصدق اللي حصل ... والا براعي القطيع ... يقووول سالمين سالمين جاكم شئ .. أنا ماني مستوعب شئ الى الآن قلت لا طيبين .. هيه أنت تعرف بيت نوف ... قال صديقي بندر أنت مجنون يامحمد... فأجهشت بالبكاء ولم أحس بنفسي ... كأني أحلم ... نعم أحلم ... ولكن حلم من غير حلم ,,, حلم في الواقع ...آآآآآآآه يانوف ليه تسوين فيني ... كذا
نزلت من السيارة وركبت بجانب السائق .. وكمل مشوارنا صديقي الوفي بندر .. الا أنا وصلنا ديرة نوف بعد عناء دام أربع ساعات ,,, ولا أحد يعلم عني شئ لا من قريب ولامن بعيد ...
أرسلت رسالة الى نوف وكتبت فيها .. نوف أنا وصلت الدوادمي الآن ... فاتصلت بي نوووف وهي معصبة وتقول يامحمد ليه تسوي في نفسك كذا يامحمد... يامحمد
وقطعت الأتصال ذهبت الى الحي التي تسكن به نوف وأخذت أصول وأجول حتي وصلت للكلية التي تدرس بها نوف ,,, ونظرت بتأمل الى الباب الذي لطالما قصت لي من مغامراتها مع صديقاتها على هذه البوابة ... من مزح ومرح وضحكات ملئت ذلك الفضاء العميق ,,, بكيت وبكيت طويلاً ...
تعوذت من الشيطان ذهبت للمسجد وصليت المغرب والعشاء جمع قصر ورجعنا الى الرياض ... وتهت في طريق العودة ...لم البث سوي ساعة الأربع في تلك الديرة البسيطة وأهاليها البسطاء .. ومن ثم سمعت صوت يرن في أرجاء مخيلتي ... أسمع صوتٍ يناديني تعال ,,, أنتبه على نفسك يامحمد أنا السبب في اللي جرالك يامحمد ... محمد ياقلبي طمني عليك ,,, أذا وصلت لأهلك ... كنت تلك الزيارة ... لأعلم ماذا أسميها ,,, هل هي حب أستطلاع أم شوق أم أحساس بالذنب ,,, لا أعلم فأني لأعلم مالذي دفعني للذهاب اليها من دون أن أراها أو تراني ,,, فقط ذهبت لأشم هواها وأتنفس ثاني أكسيد الكربون المنبعث من شفتيها ...
آآآآآآآه فعلاً أني مذنب ,,,, فعلاً أني مخطي كيف وصلت الا مرحلة مثل هذه المرحلة ,,, أنا موظف طوال يومي ... وطالب جامعة في المساء ,,,
فزملائي لا حظو علي ... كثرة التأخر والغياب ,,, والجامعة كذلك ... أصبحت كا الأسير ,,, لأعلم ماذا أعمل ,,, بنفسي ... أصبحت ضعيف البنية ... وذلك في ظرف شهرين ... من معرفتي وتعلقي بهذه الفتاة ... مع أنها كانت تقاوم فراقي ,,, ولكني أصبحت أسيرٍ لها نعم ... أقولها وبكل وضوح ... وبدون تردد نوف
سحرتني ...نعم سحرتني .... ولكن ليس السحر ,,,, الذي يعرفه الجميع لا بل السحر الذي لا يعرفه الا العشاق ,,نعم سحرتني ... بطيبتها وأخلاقها ,,, أستعطفتني ,,,, الى درجة قل نومي من أجلها ... نعم أصبحت أسهر على راحتها ... واصلت طريق العودة الى الرياض ... وكانت الساعة تشير الى 7.00 مساء وانا من الساعة 7.00 صباحاً لم أذق طعم الأكل ولم أفكر حتي أقف أشرب ماء ...
لو لطف الله بي ثم بركة صديقي العزيز / بندر ... الله يطول عمرة ... فعلاً الصديق وقت الضيق ...
نزل للبقالة ... وأشتري ماء وبعض المفرحات وحلف على بأني أكل معه والا لن يكمل معي بقية المشوار ... في الحقيقة ألح علي الحاح عجيب .. الا أن أكلت وشربت ...
وفي طريقي الا الرياض والطريق مظلم جداً ... وانا أمشي بسرعة 160 كيلومتر بالساعة في طريق مزدوج وشاحنات ولا يوجد وسائل أمان بذلك الطريق ومرت على ناظري لوحات وأسامي قري لم أسمع بها في حياتي ,,, الا في الأحول الجوية ولم يخطر في بالي أن أصل لهذه المناطق في يوم من الأيام ... وصلت طريقي وقطعت تقرباً 300 كيلو متر واذا بنقطة تفتيش وقفنا وسلمنا على العسكري .. وقال أنتم منتم من هالديرة قلنا لا أحنا مدرسين ومتعيينين في الدوادمي واللحين نبي نرجع الرياض ... قال الرياض وراكم أنتم منتو صاحين أنتم مجانين ,,, أنتوا الآن في عفيف .. أرجعو للدوادمي اللين توصلون مخرج الشعراء واطلعوا معاه اللين توصلون الرويضة ومن الرويضة تطلعون على الخط السريع ويرجعكم للرياض ... آآآآآآآآآه أنا في حالة يرثي لها مسكت راسي يوم قال أرجعوا .. خذا رخصتي وقال خذ يوتيرن من وراء البرميل وأرجع ... خذيت اليوتيرن ورجعت ... عطاني الرخصة وقال : يامحمد أنا بعطيك رخصتك بس أبيك تقولي .. من أي العربان أنت ... قالت أنا من هاك العرب قال ونعم أنتو خوالنا ... قال العسكري : أنتو يامحمد في المجالس سلاطين وعلى الخيول شياطين ... انت عارف قلت مايحتاج .. قال هيه خذ الله يستر عليييييييك ... قلت أنا هيا سلام ... ونجيك معودين في نفس الطريق ... وأخذنا تقريباً ساعة ونصف .. لأني كنت ماغط مسرع مرة بس الله اللي ستر ... أبوحميد أخذ جوالي ,,, وأرسل رسالة على نوف وانا مدري من جوالي ...
وكتب فيها :
((ملاحظة))سامحوني أذا فيه أخطاء أملائية أو حدث يسبق حدث أو بساطة أسلوبي ... ياريت تعذروني ...
تحياتي لكم ...
************

(((( الحلقــــة السابعـــــــة ))))

المهم مالكم بالطويلة ... كتب صديقي بندر في الرسالة التالي :
يانوف حرام عليك اللي تسوينة في الرجال ... كلمية وطيبي خاطرة بكلمتين ... تراه على لحم بطنة من يوم أصبح ... أنا صديقة بندرولا تعلمينة أني أرسلتلك رسالة .
شوي وانا طول الطريق اللي قطعته ساكت ... ما لي خلق أي شئ رايح ولا أدري ويني رايح ... تايه ولا أدري ويني تايه ... المهم شوي الا التليفون يردح .. رفعت الجوال ابي أرد ... الا يوم تغير وجه بندر.. قلت الووووو
طلعت نوف : قلت هلا : نوفي
قالت : هلا محمد ... حمووود ليه تسوي في نفسك كذا ... أنا ما أستاهل اللي تسوية علشاني ... يامحمد أنت ماتدري عني شئ يامحمد أنا صحيح أحبك ... لكن ممكن أني أخبي عليك ولو جزء من الحقيقية اللي أنت منت عارفها ... قلت أنا أيش الحقيقة اللي ماني عارفها ... يانوف بتقولين لي أنك تكذبين علي ... لا مستحيل طبعاً
قالت لا طبعاً يامحمد... انا ما أستاهل كل هاالتضحية ... وابيك تهتم بنفسك وطمني عليك اذا رجعت للرياض ... قلبي معك يامحمد ...
قلت أوكية .. بااااي
سكرت الجوال بعدها وواصلت طريق العــــــودة للريـــــاض طبعاً طريق العودة أخذ مني الآتي :
1- سلكت طريق الخطأ الى عفيف بـــ 336 كيلو متر تقريباً
2- سلكت نفس الطريق عودة الى الدوادمي للوصول الى مخرج الشعراء قبل الدوادمي بـــ 90 كيلو متر .. يعني قطعت للعودة 356 كيلو متر ..
3- وصلت مخرج الشعراء وسلكت الطرق متجه الى الرويضة بـــ 220 كيلو متر تقريباً .
4- وصلت الرويضة وخرجت على طريق الرياض السريع وباقي على الرياض 280 كيلو متر تقريباً .
وأنا أمشي بسرعة 180كيلو متر في الساعة ...
يعني قطعت في رحلتي للدوادمي .. الآتي :
ذهاب الى الدوادمي 330 كيلو
عودة 336 لعفيف +356 عودة للطريق الصحيح +220 لمخرج الرويضة + 280 كيلو متر .
المجموع = 1522 كيلو في تسع ساعات ... فقط بدون أنقطاع ...
والحمد الله على السلامة ... تعرضت لعدة مخاطر لطف الله سبحانه وتعالي بنا ..
وبعد كل هذا العناء الطويل وصلت الرياض الساعة 11.30 مساءٍ ووصلت على طول دق الجوال ورديت الا نوف تقول هاه يامحمد وصلت قلت لها اية وصلت ..
قالت : خلاص ياحبيبي تعشاء ونام بكرة وراك دوام ... قلت : ماني مشتهي العشاء ولاني نايم اللحين ... قامت تبكي ... وتقول أنا السبب في اللي جرالك انا السبب ..
قلت لها أيه أنتي السبب في اللي جرالي وحا يجرالي
صارت تصرخ وتضرب نفسها وتقولي ياويلي عليك يامحمد ياويلي عليك .. لو حصلك شئ بسبي ما راح أسامح نفسي .. طول عمري
قلت وأنا كلي حزن وآسي على ماحصل ... قلت لها نوفي .. قالت : أحم حم نعم وهي تمسح دموعها قلت خلاص ياقلبي .. روحي غسلي وجهك وصلي ركعتين وأقري المعوذات ونامي ... وانا بكرة أكلمك قالت : طيب يامحمد
بعدها رحت البيت : دخلت غرفتي سكرت على نفسي ... رميت نفسي على السرير وجلست ابكي أبكي أبكي أبكي مثل الطفل الصغير .... ما أدري ليه ومالسبب .. وقلت في نفسي .. (( كان المحبة خطاي تقبلي عذري ... الحب سكة لعينك دلت أركابي )) وأنا غريق دموعي .. في تلك الليلة ....
وفجأه......سمعت صوت ...
********>>>

تتوقعووون وش ذا الصووت ؟؟؟

اوووووووووووووووووووووووووووووو حمستيني
ابي الباقي
منتظرة الحلقات الباقية بفارغ الصبر